Ministri Taulant Balla takon strukturat

Lezhë – Ministri Balla takim me strukturat vendore të Policisë

Ministri i Brendshëm Taulant Balla ka zhvilluar një takim me strukturat drejtuese të Drejtorisë Vendore të Policisë së Lezhës. Gjatë takimit ai u shpreh se në Shqipëri të fortët nuk mundet të jenë mbi ligjin e qytetarët.

“Në territorin e kësaj Republike nuk mund të ketë feude apo bajraqe, ku mbi ligjin dhe mbi qytetarët të jenë të fortët dhe nuk mund të ketë individë më të fortë, sesa e bardha e vijave të rrugës apo e kuqja e ngjyrës së semaforëve”, tha Balla.

Sipas Ballës në çdo komunitet të Shqipërisë duhet të ketë rend ligjor dhe siguri për të gjithë, nën kujdesin dhe me garancinë e Policisë së Shtetit.